CXXXI.

1325, September 17. Breslau.

Notariatsinstrument über die erfolgte Verurtheilung des St. Vincenzstiftes zu Breslau zur Kostenzahlung in dem mit Kloster Kamenz anhängig gewesenen Process.

In nomine domini Amen. Sub anno nativitatis eiusdem millesimo CCC° XX quinto. XV. Kalendas Octobris, indiccione octava, in curia honorabilis viri domini Conradi doctoris decretorum, canonici et officialis Wratislaviensis, in presencia mei notarii infrascripti et testium subscriptorum, honorabilis vir dominus Nycolaus de Waczenrode, civis Wratislaviensis, verus et legittimus arbitrator, arbiter, diffinitor seu amicabilis compositor ad infrascriptas causas, ab infrascriptis personis, nomine monasteriorum Kamencz, ordinis Cysterciensis et de sancto Vincencio apud Wratislaviam, ordinis Premonstratensis, specialiter electus communiter et assumptus, dedit et concessit liberam potestatem ac mandatum speciale, verbotenus et sine scriptis predicto domino Conrado officiali presente, et mandatum ipsius Nycolai sponte suscipiente, ad arbitrandum, laudandum, pronuntiandum, amicabiliter componendum, prout inferius continetur. Qui quidem dominus officialis predictus coarbiter; collaudator et condiffinitor supradicti Nycolai, in presencia honorabilis viri et religiosi fratris Johannis abbatis monasterii de sancto Vincencio ordinis Premonstratensis apud Wratislaviam ex una et magistri Franczconis, syndici, procuratoris et nuncii specialis monasterii in Kamencz, ordinis Cysterciensis, nomine ipsius monasterii, parte ex altera infrascriptum arbitrium, laudum et amicabilem composicionem de iussu et mandato speciali sepedicti Nycolai oretenus et sine scriptis protulit in hec verba: Nos Conradus doctor decretorum, canonicus et officialis Wratislaviensis conmuniter et concorditer electi arbitratores conpromissarii arbitri, laudatores, diffinitores et amicabiles compositores ab honorabili et religioso viro domino et fratri Johanni, abbati monasterii de sancto Vincencio ordinis Premontratensis prope Wratislaviam, ex parte una, et magistro Franczcone, syndico ec procuratore monasterii in Kamencz, ordinis Cysterciensis, Wratislaviensis dyocesis, ipsorum monasteriorum nomine, parte ex altera, super, causa appellationis interposite, pro parte monasterii predicti de sancto Vincencio, a diffinitiva sententia lata per nos Conradum predictum, tamquam per loci ordinarium, pro ipso monasterio Kamencz, et contra ipsum monasterium de sancto Vincencio, super iure patronatus ecclesie, de Wirbna prope Swidnicz, dicte Wratislaviensis dyocesis, ac super dampnis, expensis et interesse, supradictam, causam hinc et inde in lite et extra litem factis habitis et secutis, et generaliter super quibusvis aliis negociis vel controversiis, que quacunque racione vel causa erant vel eciam possent inter ipsa monasteria occasione premisse cause inposterum modo quolibet exoriri, in conpromisso expressis vel non, prout in forma conpromissi plenius continetur, de speciali mandato nobis in hec parte, per Nicolaum de Waczcenrode, civem predictum, ad infrascriptam pronunciacionem dato et concesso, visis, auditis, intellectis et examinatis, presencium iuribus, deliberacione prehabita diligenti, pro bono pacis et concordie, ex vigore predicti conpromissi in nos facti, christi nomine invocato oretenus et sine scriptis ordinamus, laudamus, arbitramur, diffinimus, dicimus atque precipimus: quod abbates et monachi dictorum monasteriorum de sancto Vincencio et de Kamencz, qui pro tempore fuerint, ante omnia debent esse boni amici, et se mutuo promovere. Et quod dictus frater Johannes supradictus de sancto Vincencio vel sui monasterii syndicus et procurator ad infrascripta habens plenum mandatum, nomine ipsius monasterii appellacioni, de qua superius fit mentio, et cause principali predicte super iure patronatus ecclesie de Wirbna prope Swidenicz; ac omnibus iuribus, defensionibus et munimentis, ipsas, principalem et appellacionis causas predictas quovis modo contingentibus publice in iudicio renunciare debet efficaciter penitus et in totum, renunciacionem autem taliter factam. Idem dominus abbas vel syndicus prefati monasterii de sancto Wincencio omnia sui monasterii munimenta, privilegio et instrumenta, ad ipsas appellacionis et principalis causas super iure patronatus ecclesie prefate de Wirbna pertinencia ipsi suprascripto monasterio Kamencz debet resignare, dare et tradere cum effectu. Addicimus insuper, quod abbas de Kamencz sui monasterii nomine, pro sui ac sui monasterii vexacione redimenda, expensarum nomine, in lite et extra litem habitarum et factarum monasterio de sancto Vincencio dare et solvere debet, sub terminis infrascriptis: sexaginta marcas pecunie usualis, viginti videlicet marcas infra octavas beati Michaelis proxime nunc venturas, alias quoque viginti marcas infra octavas apostolorum Philippi et Jacobi proxime subsequentes; ultimas vero viginti marcas det et solvat similiter infra octavas beati Michaelis anno proxime revoluto. Et quod una pars alteri ad invicem de omnibus et singulis aliis, que unum monasterium ab altero monasterio occasione predicte cause appellacionis et eciam principalis, scilicet super iure patronatus ecclesie de Wirbna petere posset, faciat infra predictas octavas beati Mychaelis proxime venturas finem, refutacionem, diffinicionem et pactum perpetue de ulterius non petendo. In cuius rei testimonium sigilla dictorum duorum Conradi videlicet officialis et Nycolai de Waczcenrode, necnon . . abbatum predictorum monasteriorum presentibus sunt appensa. Actum anno, die, loco et indiccione superius annotatis; presentibus: honorabili domino Henrico de Baruth, preposito Wratislaviensi, magistro Nycolao de Ratibor, olim advocato consistorii Wratislaviensis, Sydilmanno publico notario, Henlino filio olim Hildebrandi monetarii Wratislaviensis, necnon religiosis viris Thilmanno et Thilmauno ac Friderico fratribus dicti monasterii de Kamencz et aliis testibus ad hoc vocatis et rogatis.
Signum notarii.
Ego Theodericus quondam Theoderici senioris de Hartmansrode, Halberstadensis dyocesis, nunc scriba actorum consistorii Wratislaviensis, publicus imperiali auctoritate notarius, huiusmodi ordinacioni, laudo, arbitrio, diffinicioni, pronunciacioni dicto, seu precepto et generaliter omnibus aliis et singulis in hoc arbitrio contentis, presens interfui, et ea omnia de mandato honorabilis viri, domini mei magistri Conradi officialis predicti, scripsi et in hanc publicam formam redegi, meoque signo consueto et nomine consignavi.

Or. Perg. Grüssau 57. im Staatsarchive. Das beschädigte S. des Abtes, wie bei No. CXXV. und das wohlerhaltene S. (in rothem W.) des Officials Konrad, an Pergamentstreifen. Das dritte S., des Nic. de Waczenrode, fehlt.

Codex Diplomaticus Silesiae, hrsg vom Vereine für Geschichte und Alterthum Schlesiens, Bd 10, Urkunden des Kloster Kamenz. Hrsg von Dr Paul Pfotenhauer, Breslau 1881.